Mere mann mein kuch sawaal hain..
Jawaab dene ke liye aao...
Kuch baatein jo adhoori reh gayi hain..
Sun ne Sunaane ke liye aao...
Kuch zakhm jo tumne diye they..
Unpe malham lagaane ke liye aao..
Kuch kasme vaade jo tumne kiye they..
Hisaab chukaane ke liye aao..
chand lamhe apne keemti waqt se..
Mere saath bitaane ke liye aao..
Tum mujhe bhula nahi sakte aise..
Mujhe yeh sach bataane ke liye aao..
Kuch jazbaat jo tumhare dil mein hain..
Mujhse unhe kehne ke liye aao..
Kuch armaan jo dil mein dabe pade hain..
Unhe poora karne ke liye aao..
Aao.. ke ab jyaada waqt nahi hai mere paas..
Bikhare hue kuch sapne hain..Sulagti hui ek pyaas..
Aao.. ke kuch naghmein likhe hain maine..
Yaado ki dharohar ko sanjoya hai maine..
Aao, Waqt ka yakeen nahi hai mujhe,iski neeyat hai be-i'tibaar..
Kal kahi main na rahu aur tum mujhe dhoondhte firo sar-e-bazaar..
